БИШКЕК, 21-авг. — Sputnik. Бишкектин Калкты тейлөө борборлору мурунку график менен, саат 9.00дөн 18.00гө чейин, иштей баштады. Бул тууралуу Мамлекеттик каттоо кызматы билдирди.
Белгилей кетсек, МКК аталган борборлор 26-июндан тарта сынамык долбоордун алкагында 8.00дөн 19.00гө чейин тынымсыз кызмат көрсөтө турганын айткан.
Бирок долбоордун жыйынтыгы мындай график эмгек өндүрүмдүүлүгүнө жана көрсөтүлгөн кызматтын сапатына терс таасирин тийгизери аныкталган. Мындан тышкары, штаттын чектелүүлүгүнөн улам функцияларды кайра бөлүштүрүп чыгуу зарылдыгы пайда болгон.
Жумуш күнү кыскарганы менен Калкты тейлөө борборлору түшкү тыныгуусуз иштей бермекчи.