БИШКЕК, 5-авг. — Sputnik. 6-августта тоолуу райондордо өткүн өтүп, күн күркүрөшү мүмкүн. Бул тууралуу Кыргызгидромет билдирди.
Батыштан соккон шамалдын ылдамдыгы секундасына 4-9 метрден кээ бир райондордо 15-20 метрге жетет.
Маалыматка ылайык, абанын температурасы Чүйдө +34…+39, Таласта +31…+36, Баткен, Ош жана Жалал-Абад облустарында +34…+39 градуска жетет.
Ысык-Көлдө +27…+32 жана Нарын аймагында +28…+33 градус болот.
Ал эми Ош жана Бишкек шаарларында күн ачык болуп, абанын температурасы +37…+39 градуска жетет.
Чолпон-Ата шаарында күндүн табы +27…+29 градуска чамалап барары болжолдонду.