БИШКЕК, 1-авг. — Sputnik. Улуттук статистика комитети 2019-жылдын биринчи жарым жылдыгына карата элдин мамлекеттик органдарга ишенимдүүлүк индексин жарыялады.
Белгилей кетсек, индекс +100 жана –100 баллдык шкала менен эсептелет. Тизмеге жергиликтүү башкаруу органдары кошулган жок.
Кыргызстандыктардын пикири боюнча эң коррупциялашкан мамлекеттик органдар төмөнкүлөр:
1. Мамлекеттик бажы кызматы (–18,7);
2. Саламаттык сактоо министрлиги (–11,1);
3. Жаза аткаруу мамлекеттик кызматы (–10,2);
4. Ички иштер министрлиги (–7,9);
5. Архитектура, курулуш жана турак жай-коммуналдык чарба мамлекеттик агенттиги (0,3).
Жарым жыл мурда деле рейтинг дал ушундай эле. Болгону Архитектура, курулуш жана турак жай-коммуналдык чарба мамлекеттик агенттигинин ордунда Транспорт жана жолдор министрлиги турган.