БИШКЕК, 29-июл. — Sputnik. 30-июлда күндүз Ысык-Көл, Нарын облустарынын көпчүлүк аймактарында, Чүй, Талас, Ош, Жалал-Абад, Баткен облустарынын тоолуу райондорунда жана тоо этектеринде өткүн өтүп, күн күркүрөшү мүмкүн. Бул тууралуу Кыргызгидромет билдирди.
Батыштан соккон шамалдын ылдамдыгы секундасына 4-9 метрден, кээ бир райондордо 15-20 метрге жетет.
Маалыматка ылайык, абанын температурасы Чүйдө +30…+35, Таласта +28…+33, Баткен, Ош жана Жалал-Абад облустарында +34…+39 градуска жетет.
Ысык-Көлдө +25…+30 жана Нарын аймагында +27…+32 градус ысык болот.
Ал эми Ош жана Бишкек шаарларында күн ачык болуп, абанын температурасы Ош шаарында +35…+37, Бишкекте +33…+35 градуска чамалап барары айтылды.
Чолпон-Ата шаарында күндүн табы +25…+27 градуска чейин көтөрүлмөкчү.