БИШКЕК, 5-июл. — Sputnik. Көкөмерен суусуна үй-бүлөсү менен түшүп кетип каза болгон өкмөттүн Чүй облусундагы өкүлчүлүгүнүн аппарат башчысы Молдакун Абдылдаевдин сөөгү ишемби күнү жерге берилет. Бул тууралуу облус жетекчилигинин маалымат кызматы кабарлады.
Буга чейин Молдакун Абдылдаевдин тажыясын өткөрүүнү уюштуруу боюнча облус башчысы Алтынбек Намазалиевдин жетекчилиги алдында комиссия түзүлгөн.
Эскерте кетсек, кырсык 30-июнда саат 9.30дар чамасында Жайыл районунун Кызыл-Ой менен Кожомкул айылынын ортосунда болгон. Унаада Абдылдаев, жубайы, уулу, небереси жана айдоочусу болгон. Эки күндөн кийин аткаминер менен айдоочусунун сөөгүн суудан алып чыгышты. 4-июлда кечинде 8 жаштагы небересинин сөөгүн алып чыгышты. Калган үй-бүлө мүчөлөрүн издөө иштери уланууда.