БИШКЕК, 2-июл. — Sputnik. "Айыл чарбасын каржылоо – 7" долбоорунун алкагында 28-июнга карата 4 миллиард 638 миллион 347 миң сомго 9560 жеңилдетилген насыя берилди. Бул туурасында Айыл чарба, тамак-аш өнөр жайы жана мелиорация министрлигинен билдиришти.
Анын ичинен 692 чарба субъектилери кепилдиксиз 84 миллион 437 миң сом акча каражатын алышкан.
Маалыматка ылайык, “Дыйканчылык” программасы боюнча 1 миллиард 8 миллион 794,9 миң сом акча каражатына 2668 жеңилдетилген насыя берилген.
“Мал чарбасы” программасына 2 миллиард 566 миллион 568,1 миң сомго 6642 жеңилдетилген насыя берилди.
Ал эми "Айыл чарбасын кайра иштетүү жана кызмат көрсөтүү” программасына - 962 млн. 984,4 миң сомго 250 жеңилдетилген насыялар берилди.