БИШКЕК, 29-июн. — Sputnik. Кечээ Ысык-Көлдүн Чолпон-Ата шаарында таэквондонун ITF версиясы боюнча Азия чемпионаты жыйынтыкталып, кыргызстандыктар командалык эсепте биринчи орунду алды. Бул тууралуу Жаштар иши, дене тарбия жана спорт агенттигинен кабарлашты.
Маалыматка ылайык, улуттук курама команда жалпысынан 137 медаль алган. Анын 54ү — алтын, 33ү — күмүш жана 50сү — коло.
Экинчи орунга Малайзиянын спортчулары ээ болуп, 11 алтын, 6 күмүш жана 3 коло медаль тагынышкан. Өзбекстандын командасы 7 алтын, 7 күмүш жана 10 коло утуп, жалпы эсепте үчүнчү орунга татыды.
Бүгүн, 29-июнда, таэквондонун ITF версиясы боюнча Азия кубогу башталганы кошумчаланды.