БИШКЕК, 24-июн. — Sputnik. 25-июлда түнкүсүн жаан-чачын күтүлбөйт, күндүз тоолуу райондордо өткүн өтүп, күн күркүрөшү мүмкүн. Бул тууралуу Кыргызгидромет билдирди.
Батыштан соккон шамалдын ылдамдыгы секундасына 1-6 метрге жетет.
Маалыматка ылайык, абанын температурасы Чүйдө +29…+34, Таласта +28…+33, Баткенде +30…+35, Ош жана Жалал-Абад облустарында +29…+34 градуска жетет.
Ысык-Көлдө +22…+27 жана Нарын аймагында +20…+25 градус жылуу болот.
Ал эми Ош жана Бишкек шаарларында жаан-чачын күтүлбөйт. Күндүн табы Ошто +31…+33, Бишкекте +32…+34 градуска жетет.