БИШКЕК, 20-июн. — Sputnik. Түштүк Кореянын премьер-министри Ли Нак Ён Кыргызстанга боло турчу расмий сапарга даярданууда. Бул тууралуу Тышкы иштер министрлиги кабарлады.
Бейшемби күнү тышкы иштер министри Чыңгыз Айдарбеков Түштүк Кореянын элчиси Ха Тэ Ёкту кабыл алган.
Жолугушууда премьер-министрдин июлда боло турган сапары талкууланды. Тараптар тыгыз иштешүүнүн маанилүүлүгүн баса белгилеп, сапардын алкагында уюштурулуп жаткан бизнес-форумду өткөрүү тартибин сүйлөшүштү.
Мындан тышкары, министр менен элчи учурдагы эки тараптуу мамилеге да баа беришкен.