БИШКЕК, 16-июн. — Sputnik. Аралаш мушташ боюнча кыргызстандык мушкер Барчынай Узгенбаева кийинки беттешин АКШдагы WXC (Warrior Xtreme Сogefighting) турниринде өткөрөт. Бул туурасында спортчу Instagram баракчасы аркылуу кабарлады.
Мушкердин айтымында, мелдеш 3-июлда Мичиган штатындагы Детройт шаарында өтөт. Анда ал 61 килограмм салмакта жергиликтүү спортчу менен беттешерин айткан.
Узгенбаева буга чейин Кыргызстандын WEF жана Казакстандын MMA Alash Pride спорттук уюмдарында күчүн сынап келген.
Барчынай Узгенбаеванын грэпплинг боюнча мастер-классын Sputnik Кыргызстан маалымат агенттиги тарткан видеодон көрсөңүз болот.
Ал эми мушкердин бала чагы, үй-бүлөсү, спорттук жолу тууралуу маек да даярдалган.
Узгенбаева октагон менен чектелбей, спортчу кыздар арасындагы сулуулар сынагына катышып келет.