БИШКЕК, 7-июн. — Sputnik. "Коопсуз шаар" долбоору ишке киргенден баштап 100 миллион 94 миң сом айып төлөнгөн. Бул тууралуу ЖКККББнын маалымат кызматы билдирди.
ЖКККББ 4-марттан 6-июнга чейинки статистикалык маалыматтарды жарыялады.
"Жалпысынан жол эрежелерин бузуу боюнча 159 035 токтом токулуп, 69 175 (43,5 пайыз) эреже бузуу боюнча айып төлөнгөн. Анын жалпы суммасы 100 миллион 94 миң сомду түздү", — деп айтылат маалыматта.
ЖКККББ айдоочуларды жол эрежесин бузбоого чакырат.