БИШКЕК, 5-июн. — Sputnik. 6-7-июндарда Чүй, Талас, Ош, Жалал-Абад, Баткен облустарынын кээ бир райондорунда жана Ысык-Көл облусунун чыгышында жаан-чачын катуу жаашы күтүлөт. Бул тууралуу Кыргызгидромет билдирди.
Тоо этектеринде жана тоолуу райондордо мөндүр жаашы мүмкүн. Батыштан соккон шамалдын ылдамдыгы секундасына 4-9 метрден, кээ бир райондордо 15-20 метрге чейин жетет. Мындай туруксуз аба ырайынан улам тоолуу жана тоо этектериндеги райондордо сел жүрүү коркунучу бар.
Абанын температурасы Чүй жергесинде +24...+29, Таласта +23...+28, Ысык-Көлдө +18...+23, Нарын аймагында +17... +22, Ош, Жалал-Абад жана Баткен облустарында +26...+31 градус ысык болот.
Ош жана Бишкек шаарларында мезгил-мезгили менен жаан жаап, күн күркүрөйт. Күндүн табы +27...+29 градуска көтөрүлөт.