БИШКЕК, 28-май — Sputnik. Бишкектин батирлерине ысык суу кечиктирилбестен өз убагында берилет. Бул тууралуу "Бишкекжылуулуктармагы" ачык акционердик коому билдирди.
Белгилей кетсек, ысык суу 6-майдан 6-июнга чейин өчүрүлгөн. Бул жыл сайын кышкыга карата жасалчу профилактикалык иш болуп саналат. Бүгүн Бишкектин жылуулук тармагы сыналып, кемчиликтери аныкталды.
Ишкананын маалымат кызматы бардык иштер өз маалы менен жүргүзүлүп, ысык суу да убагында берилерин эскертти.
Эске салсак, ысык суу орозо маалында өчүрүлүп, шаардыктардын нааразычылыгын жараткан.