БИШКЕК, 28-май — Sputnik. Премьер-министр Мухаммедкалый Абылгазиев Жогорку Кеңештин мамлекеттик түзүлүш боюнча комитетине өкмөт мүчөлүгүнө төрт талапкерди тааныштырды.
Алардын тизмеси:
Айыл чарба, тамак-аш өнөр жайы жана мелиорация министри кызматына Эркинбек Чодуев (учурда айыл чарба министринин орун басары);
Маалыматтык технологиялар жана байланыш мамлекеттик комитетинин жетекчилигине Дастан Догоев (учурда КР Президентинин кеңешчиси);
Өкмөт аппаратынын министр рангындагы жетекчилигине Самат Кылжыев (учурда Өкмөт аппаратынын финансы жана насыя саясаты боюнча бөлүмүнүн жетекчиси);
Экономика министри кызматына Санжар Мукамбетов (Финансылык көзөмөл жана отчёттуулук боюнча мамлекеттик агенттигинин төрагасы).
Өткөн аптада аталган төрт органдын тең жетекчилери отставкага кетишкен.