БИШКЕК, 28-май — Sputnik. Жогорку Кеңештин Эл аралык иштер, коргоо жана коопсуздук боюнча комитети эки чет өлкөдөгү элчиликке сунушталган талапкерлерди жактырды.
Талапкерлерди тышкы иштер министринин биринчи орун басары Нуран Ниязалиев тааныштырды.
Комитет Эдил Байсаловду Улуу Британия менен катар эле Түндүк Ирландиянын элчиси кылып дайындоого макулдугун берди.
Ошондой эле комитет мүчөлөрү Кыргызстандын Белоруссия менен катар эле бир учурда Латвиядагы, Литвадагы жана Эстониядагы элчиси катары Эрмек Ибраимовдун талапкерлигин жактырды. Элчиликтин резиденциясы Минскиде жайгашкан.
Эми алардын кызматка киришүүсү үчүн президент Жарлыкка кол коюшу керек.