БИШКЕК, 23-май — Sputnik. Жогорку Кеңештеги "Кыргызстан" фракциясынын депутаты Айтмамат Назаровдун ордуна партиянын тизмеси боюнча Айнура Аскарова келет. Бул маалыматты аталган фракциядан тастыкташты.
Эске салсак, Айтмамат Назаров "Улуттук энергохолдинг" мамлекеттик ишканасынын башкаруучулугунун жетекчи кызматына кетип, орду бошогон.
"Кыргызстан" партиясынын тизмеси боюнча кезекте Айнура Аскарова 52инчи болуп турат.
Учурда Жогорку Кеңештеги "Кыргызстан" фракциясында жалпысынан 18 депутат бар.