БИШКЕК, 18-май — Sputnik. Букмекерлердин божомолу боюнча америкалык Жессика Ай Шевченкону жеңе албайт.
UFC уюмунун эң жеңил салмактагы чемпиону Валентина Шевченко титулун коргоо үчүн биринчи беттешин америкалык Жессика Ай менен өткөрөт.
Эки мушкер UFC 238 турниринин алкагында 8-июнь күнү Чикагодо (АКШ) кезигет.
"Марафон бет" букмекер конторасы төмөнкү коэффициенттерди койду: кыргызстандык мушкердин жеңишине — 1,095, америкалык Айга — 7,5. Ал эми Favbet конторасы көбүнчө Шевченкого ишенет: 1,08 жана 8. Белгилей кетсек, коэффициент канчалык төмөн болсо жеңиш ыктымалдыгы ошончолук жогору.
Валентина Шевченко 2018-жылдын 9-декабрында эң жеңил салмак боюнча Джоанна Енджейчикти жеңип, UFC уюмунун чемпиону болгон.