БИШКЕК, 17-май — Sputnik. 24-30-июнь күндөрү Ысык-Көл облусунун Кырчын капчыгайында эл аралык "Жаш Булак — 2019" жаштар форум-лагери өтөт. Бул туурасында Жаштар иши, дене тарбия жана спорт боюнча мамлекеттик агенттиктен кабарлашты.
Билдирмеге ылайык, форум-лагерь жаштардын кесипкөйлүгүн, талантын жана мүмкүнчүлүктөрүн арттырууну көздөйт.
"Жаштар лагеринин алкагында локалдык илимий жана билим берүүчү тренингдер, мастер-класстар, ошондой эле таанымал инсандар менен жолугушуулар, билим берүүчү долбоорлордун жана курстардын презентациялары болот", — деп айтылат маалыматта.
Лагерге 18 жаштан 35 жашка чейин жарандар, ошондой эле жергиликтүү өз алдынча башкаруу органдарынын жаштар менен иш алып барган адистери катыша алат. Кабыл алуу башталды. Иш-чара тууралуу спорт агенттигинин Facebook баракчасынан кенен таанышууга болот.