Жөө жүрүштүн катышуучулары Улуу Ата мекендик согуштун ардагерлеринин сүрөттөрүн көтөрүп, Байтик баатыр — Абдрахманов көчөсүн бойлой Дайыр Асанов атындагы сейил бактан "Жеңиш" аянтына чейин жөө басышты.
"Өлбөс полк" акциясы биринчи жолу 2012-жылы Томск шаарында өткөн. 2013-жылы Россияда, Казакстанда жана Украинада белгиленген. Жеңиш майрамында согуштун катышуучуларынын сүрөттөрүн 200 миңге жакын киши көтөрүп, параддан өткөн. Андан кийин бул акцияга Израиль, Кыргызстан жана Белоруссия да катышкан. 2014-жылы Бишкек шаарында өткөн акцияга миңге чукул эле адам келсе, 2018-жылы 45 миң, бул ирет 50 миңден ашуун адам чогулду.