БИШКЕК, 5-май — Sputnik. Челябинскиде беш адамды өлтүрдү делген киши кармалды. Бул тууралуу РИА Новости жазды.
Эске салсак, 4-май, ишемби күнү, Челябинск облусуна караштуу Нязепетровск шаарында массалык киши өлтүрүү фактысы катталып, төрт киши менен төрт жаштагы наристенин бычакталган сөөгү табылган. Укук коргоо органдарынын маалыматына ылайык, турак үйдөн коляскада жаткан дагы бир бөбөк тирүү табылган.
Россиянын аймактар аралык тергөө комитетинин тергөө башкармалыгынан билдиришкендей, кылмышка шектүүнү изин суутпай кармашкан. Колго түшкөн адам аталган шаардын 33 жаштагы тургуну болуп чыккан. Ал тергөө органдарына өткөрүлүп берилди.
Окуянын чоо-жайы такталып жатат.