БИШКЕК, 30 апр — Sputnik. Бишкек шаардык соту Мамлекеттик каттоо кызматынын жетекчисинин камактагы орун басары Руслан Сарыбаевдин баш коргоо чарасын өзгөртүп, үй камагына чыгарды.
Шаардык соттун маалымат кызматынан кабарлашкандай, соттун мындай чечимине — шектүүнүн тергөө органдары менен кызматташып жатканы, үч өспүрүм баласы бар экени жана жакында апасы каза болгону таасир эткен.
Буга чейин УКМК соттун чечими менен үч аткаминерди камакка алган. Алар: Мамлекеттик каттоо кызматынын жетекчисинин орун басары Руслан Сарыбаев, статс-катчы Талант Абдуллаев жана "Инфоком" компаниясынын директору Талант Абдуллаев.
Алар биометрикалык паспортту чыгарууда тендерден уткан компания менен жең ичинен сүйлөшүп, коррупцияга барган деп айыпталууда.