БИШКЕК, 29-апр. — Sputnik. 30-апрелде көпчүлүк аймактарда жаан жаайт. Ал эми бийик тоолуу райондорго кар, Жалал-Абад, Ош, Баткен облустарынын тоо этектеринде катуу жаан жаашы күтүлөт. Бул тууралуу Кыргызгидромет билдирди.
Батыштан соккон шамалдын ылдамдыгы секундасына 4-9 метрден, кээ бир райондордо 15-20 метрге чейин жетиши күтүлөт.
Маалыматка ылайык, абанын температурасы Ош, Баткен, Жалал-Абад, Чүй, Талас облустарында +13…+18 градуска жетет.
Ысык-Көл жана Нарын аймагында +11…+16 градус жылуу болот.
Ал эми Ош жана Бишкек шаарларында мезгил-мезгили менен жаан жаап, абанын температурасы +16…+18 градуска көтөрүлөт.