БИШКЕК, 28-апр. — Sputnik. Бишкектин 12-кичирайону тарапта жайгашкан кичи базардан өрт чыкты. Бул туурасында Sputnik Кыргызстан агенттигине күбө кабарлады.
Ал эми Өзгөчө кырдаалдар министрлиги өрт тууралуу саат 20.20ларда чакыруу түшкөнүн билдирди. Жалынды чектөө үчүн бир өрт өчүрүүчү унаа чыгып кеткен.
Алдын ала маалымат боюнча кичи базардагы бир күркө күйүп, экинчисине да жалын жабышкан.
Күбөнүн айтымында, учурда жалын чектөөгө алынып, өрт өчүрүлгөн.
Өрттүн толугу менен өчүрүлгөнүн ӨКМ да тастыктады. Жаракат алгандар болгон эмес.