Автоунаалардын "таймашы" Жал айылындагы автодромдо болду. Мындай иш-чара Кыргызстанда үч жылдан бери өткөрүлүп келет. Алгачкы жана андан кийинки жарыш Кант шаарынын аймагында уюштурулган.
Мындай өзгөчө таймаштын катышуучуларына өзгөчө талаптар коюлат. Автоунааларда тез күйүп кетүүчү заттар, курч жана тилип кетүүчү буюмдар болбошу керек. Алар — айнектер, фаралар, жарыктандыргычтар, бамперлер, радиатордун тору, эшиктердин ички туткалары, кулпулар, айнек көтөргүчтөр, жүргүнчү отурган кресло, арткы отургучтар, желим панелдер жана башка дагы бир нече элементтер.