БИШКЕК, 7-апр. — Sputnik. Кыргызстандын Хоккей боюнча курама командасы Бириккен Араб Эмирлигин (БАЭ) жеңип алды. Бул тууралуу Хоккей боюнча эл аралык федерациянын расмий сайтында маалымдалат.
Мелдеш бүгүн Абу-Даби шаарында өттү.
Эсеп санын кыргызстандык Максим Егоров ачты. Оюндун биринчи жана экинчи бөлүгүндө теңтайлашып эсеп санын теңдеп жатышкан. Бирок үчүнчү бөлүктө улуттук команда чыйрала түшүп алдыга оозуп кетти.
Кыргызстандын оюнчулары буга чейинки этаптарда Кувейт, Таиланд, Босния жана Герцеговина, Гонконг командаларын ири эсеп менен утуп алышкан.
Бирок кандайдыр бир себептер менен Кыргызстандын жогорудагы төрт жеңиши жокко чыгарылып калды.
Болбосо улуттук команда бүгүнкү жеңиши менен 2020-жылы боло турчу Дүйнө чемпионатына жолдомо алмак.