БИШКЕК, 6-апр. — Sputnik. Кыргызстан менен Швейцария Борбор Азиядагы суу ресурстарын өз ара кызматташуунун негизинде айлана-чөйрөгө, башкаларга зыян келтирбей пайдалануунун жолдорун талкуулады.
Бул жаатта Кыргызстан ТИМинин жетекчисинин биринчи орун басары Нуран Ниязалиев Швейцариянын Суу ресурстары боюнча Борбор Азиядагы өкүлү Ги Бонва менен жолугуп сүйлөшкөнүн министрликтин маалымат кызматы кабарлады.
Тараптар суу ресурстарын жаратылышка, айлана-чөйрөгө, башкаларга зыян келтирбей тургандай кылып өз ара алака менен пайдалануу туурасында сүйлөшкөн. Андан сырткары, аймактардын, мамлекеттердин ортосунда сууну пайдаланууда чыккан көйгөйлөрдү эки жана көп тараптуу келишимдин негизинде кызматташып чечүү талкууланган.
Жолугушууда Швейцариянын КРде ишке ашырып жаткан долбоорлорунун Борбор Азия өлкөлөрү менен 2017-2020-жылдардагы кызматташуу стратегиясына туура келип жатканына оң баа берилген.