БИШКЕК, 25-мар. — Sputnik. Токмок шаарында укук коргоочулар дайынсыз жоголгон 14 жаштагы Лейла Сусинаны издеп жатат. Бул тууралуу Чүй облустук ички иштер башкы башкармалыгынан кабарлашты.
Табышып койгула! Токмокто 14 жаштагы кыз жоголуп кетти. Сүрөт
© Фото / пресс-служба ГУВД Чуйской области
Өспүрүм үйдөн 17-мартта саат 07:30дар чамасында чыгып кеткен боюнча кайтып келе элек.
Өзгөчө белгилери: бою 160-165 сантиметр, чачы сары, кой көз, үстүндө спорттук кийим — шымы кара, костюму бозомтук жашыл түстө. Бутуна кара түстөгү спорттук бут кийим кийген.
Кызды көргөн-билгендер болсо, Токмок ИИБдин нөөмөт бөлүмүнүн 0-321-60-73-63, 0-313-8-6-31-02, 0709-07-21-56, 0551-102-753 номерлери аркылуу байланышып же 102ге кабарлап коюну өтүнөт.