Кыргыз ССРинин эл артисти Советбек Жумадыловдун көзү тирүү болгондо быйыл 87 жашка толмок. Театр жана кино актеру өзүнүн чыгармачылык жолунда 40ка жакын тасмада роль аткарып, "кыргыз кереметинин" жаралуусунун башында турган. Актер көпчүлүктүн эсинде "Биринчи мугалимде" Каимбайдын, "Бакайдын жайытында" Алымдын, "Акмөөрдө" Баякенин, "Акбаранын көз жашында" Бостондун, "Махабат дастанында" Абдилхандын, "Караш-караш окуясында" Жарасбай манаптын образында калган. Ал эми театрда Семетей, Бакайдан баштап Отелло, Ричард, Омар Хаямга чейинки образды жараткан.
Залкар талант жөнүндө кызыктуу фактыларды Sputnik Кыргызстандын материалынан окуңуздар.