БИШКЕК, 20-мар. — Sputnik. Кыргызстандык спортчу Акжол Сулайманбек уулу профессионалдык бокс боюнча WBA Asia — чемпиондук наамын коргойт. Бул туурасында мелдешти уюштуруп жаткан RCC Boxing Promotions уюмунун ВКонтакте баракчасында айтылат.
Маалыматка ылайык, мелдеш 23-мартта Екатеринбург шаарында өтмөкчү. Анда Сулайманбек уулу 59 килограмм салмакта таиланддык Пипат Чаипорн менен беттешет. Мушкерлер 10 раунд кармашат.
Ал эми таиланддык мушкер 46 мелдешти утуп, 12 ирет жеңилип жана эки ирет турнирде тең чыккан. Мындан тышкары, бокс боюнча IBF Asia и IBF Pan Pacific наамдарына ээ. Дүйнөлүк рейтингде 82-орунда турат.
Эске сала кетсек, ушул эле турнирде дагы бир кыргызстандык мушкер Эржан Тургунбеков да күчүн сынайт.
Акжол Сулайманбек уулунун чемпиондук жолу, үй-бүлөсү тууралуу Sputnik даярдаган маектен окусаңыздар болот.