БИШКЕК, 20-мар. — Sputnik. Android үчүн чыгарылган антивирустардын жарымынан көбү пайдасыз экенин "Известия" басылмасы жазды.
AV-Comparatives компаниясынын эксперттери 250 антивирус программаларын изилдеп, 80ге чукулу гана коопсуздук талаптарына аз да болсо жооп берери аныкталган.
Адистердин айтымында, пайдасыз тиркемелер телефонду коргой албайт же шек жараткан ыкмалар менен вирустарды аныкташат. Мындай программаларды иштеп чыккандар кардардын коопсуздугун эмес, биринчи кезекте акча табууну көздөшөт.