БИШКЕК, 26-фев. — Sputnik. Кара-Балта шаарында кулагы укпаган 24 жаштагы С.А. аттуу таксист сабалганын Чүй милициясынан кабарлашты.
Жайыл райондук ички иштер бөлүмүнө 46 жаштагы аял арыз менен кайрылган. Ал 18-февралда белгисиз адамдар дүлөй бир тууганын сабап кетишкенин билдирген.
"Аталган факты Эреже бузуулар жана жоруктар жөнүндөгү бирдиктүү реестрге каттоого алынды. Укук коргоочулар соттук-медициналык экспертиза дайындады", — деп айтылат маалыматта.
Учурда укук коргоочулар таксист менен жүргүнчүнүн ортосунда чыккан чырдын чоо-жайын тактап жатат.
Алдын ала маалымат боюнча чыр жол кире акысы үчүн чыккан. 19 жаштагы баланын достору ага болушуу үчүн келип экинчи конфликт чыккан.
ШИИББден маалымдашкандай, таксист дүлөй болгондуктан сурдо котормочу келгенден кийин суракка алынат.