БИШКЕК, 19-фев. — Sputnik. Кыргызстандык үч бильярдчы Россияда өтө турган Дүйнө чемпионатына катышат. Бул тууралуу Жаштар иши, дене тарбия жана спорт боюнча мамлекеттик агенттиктен кабарлашты.
Мелдеш 25-февралдан 3-мартка чейин Ханты-Мансийск шаарында өтмөкчү. Ага өлкө атынан Дастан Лепшаков, Ызатбек Ратбеков жана Канат Сыдыков катышат. Бильярдчыларды башкы машыктыруучу Күмүшбек Дүйшөбаев коштоп барат.
Дүйнө чемпионатында Россия, Белоруссия, Украина, Казакстан, Кыргызстан, Азербайжан, Молдова, Монголия, Финляндия, Армения, Грузия, Литва, Латвия, Эстония, Тажикстан, Түркмөнстан, Өзбекстан жана башка өлкөлөрдүн спортчулары күч сынашат.
Курама командага мамлекет тарабынан 239 миң сом бөлүнгөн.