БИШКЕК, 18-фев. — Sputnik. Борбор калаадагы 15 мектеп менен 27 бала бакча муздак суунун токтогондугунан улам бир күн иштебейт. Бул туурасында мэриянын маалымат кызматынан кабарлашты.
"Мындан улам, №: 3, 14, 17, 20, 26, 37, 39, 56, 60, 63, 71, 13, 55, 72, 80 мектептерде окуучулар сабакка барбайт. Андан сырткары, адистештирилген №: 85, 87, 104, 117, 122, 134, 174 жана адаттагы №: 10, 44, 71, 79, 82, 94, 107, 109, 111, 112, 120, 123, 127, 133, 135, 138, 140, 142, 157, 173 бала бакчалар иштебейт", — деп билдиришти мэриядан.
Маалыматта калаанын бир катар аймагын ичүүчү суу менен камсыздаган "Орто-Алыш" суу кампасындагы жаңы скважиналарды орнотуу иштеринен улам мындай ыңгайсыздык жаралганы айтылды.
Анда "Бишкек суу канал" менен "Бишкек жылуулук энерго" ишканасындагы жүргүзүлгөн оңдоолордон улам 19-20-февраль аралыгында элге суу берүү токтотулары кабарланды.
Ысык суунун өчүрүлүшү боюнча суроолор жаралса, "Бишкек жылуулук энерго" ишканасындагы диспетчердик бөлүмгө (0312) – 212 – 906, суу менен камсыздоо маселеси боюнча "Бишкек суу канал" ишканасына (0312) 56-03-20 телефон номерлери аркылуу кайрылса болору айтылды.