БИШКЕК, 10-фев. — Sputnik. Футбол боюнча Кыргызстандын федерациясы улуттук курама команданын машыктыруучусу Александр Крестинин менен жаңы келишим түздү. Бул тууралуу федерациянын маалымат кызматы билдирди.
Ага ылайык, келишимге 10-февралда кол коюлган. Эми Крестинин улуттук курама команданы 2022-жылы боло турчу Дүйнөлүк чемпионатка жана 2023-жылы өтө турчу Азия кубогуна даярдайт.
Крестинин өзү улуттук курама менен чогуу иштей турганына кубанычта экенин айтты.
"Жаш оюнчуларга өзгөчө көңүл бурулат. Алар - курама команданын келечеги. Жоопкерчилик бар, ар-намысыбыз менен иштеп, максатка жетүү үчүн аракеттерди көрөбүз", — деди ал.
Александр Крестинин тууралуу кызыктуу фактыны окуңуз.