БИШКЕК, 7-фев. — Sputnik. Президент Сооронбай Жээнбеков телефон аркылуу россиялык кесиптеши Владимир Путин менен сүйлөшкөнүн өлкө башчынын маалымат кызматы билдирди.
Сүйлөшүүнүн жүрүшүндө мамлекет башчылары эки тараптуу жана көп тараптуу кызматташуунун актуалдуу маселелерин жана буга чейин жетишилген макулдашууларды ишке ашырууну талкуулашты.
Ошондой эле ортодо Путиндин марттын соңунда Кыргызстанга болчу мамлекеттик сапары тууралуу да сөз болгон.