БИШКЕК, 31-янв. — Sputnik. Кыргызстандын Россиядагы элчиси Аликбек Жекшенкулов Россиянын айыл чарба министринин орун басары Сергей Левин менен жолугуп, эки өлкөнүн айыл чарба жаатындагы мындан аркы кызматташтыгы жөнүндө сүйлөштү. Бул тууралуу Кыргыстандын Россиядагы элчилигинен кабарлашты.
"Тараптар Кыргызстандын айыл чарба продукцияларын кайра иштетүү боюнча биргелешкен ишканаларды ачуу боюнча сүйлөштү. Мындан тышкары, логистикалык борборлорду куруу мүмкүнчүлүгүнө дагы токтолушту", — деп айтылат билдирүүдө.
Ошондой эле буга чейин түзүлгөн келишимдердин алкагында КРге ветеринардык жабдууларды, үрөн жеткирүү боюнча сөз болгону айтылат.
Ал эми эки өлкөнүн ортосундагы айыл чарба жааты боюнча келишимдерди толук кандуу ишке ашыруу үчүн кыргыз тарап стратегиялык өнөктөшүнө кызматташууга даяр бир катар ишканалардын тизмесин жөнөтүшү зарыл. Мындан соң кыргызстандык ишкерлер Россияга өз продукциясын экспорттоп же алар менен биргелешкен ишкана түзүшөт.