БИШКЕК, 18-янв. — Sputnik. Токмок шаарында бүгүн, 18-январда, катуу шамал болду. Алдын ала маалымат боюнча шамалдын ылдамдыгы секундасына 18-23 метрге жеткен. Бул тууралуу ӨКМден кабарлашты.
Саат 12:40та болгон шамалдын кесепетинен шаардагы Шамшы көчөсүндө жайгашкан №36 көп кабаттуу турак үйдүн 450 чарчы метрлик темир чатырын шамал учуруп, эки турак үйдүн чатырына бак кулаган.
"Жерине тактоо иш-чараларын жүргүзүү үчүн шаардык Жарандык коргонуу комиссиясы тартылды", — деп айтылат маалыматта.
Мындан сырткары, ӨКМдин Токмок шаардык №21 Аскерлештирилген өрт-куткаруу бөлүгүнөн 5 куткаруучу тартылган. Жабыркагандар жана каза болгондор жок. Кошумча маалымат берилет.
Эске салсак, буга чейин Бишкек менен Чүйдө катуу шамал болору айтылган.