БИШКЕК, 12-янв. — Sputnik. Кыргызстандын футболчулары түштүккореялык атаандаштарынан 1:0 эсебинде утулуп калды.
Оюн Бириккен Араб Эмирлигинде болуп жаткан Азия кубогунун алкагында өттү.
Беттештин жалгыз голун оюндун 41-мүнөтүндө Түштүк Кореянын коргоочусу Ким Мин Же киргизди.
Азия кубогундагы алгачкы оюнда Кыргызстандын футболчулары Кытай курама командасына 1:2 эсебинде утулган эле. Натыйжада Кытай командасы алгачкы жеңиш менен үч упайга ээ болуп, "С" тайпасында көч башында Түштүк Корея менен турду.
Эми кыргызстандык оюнчулар 16-январда Филиппин курама командасы менен беттешет.
Эске салсак, бул эки команданын алгачкы жолу беттеши болду. Атаандаш буга чейин Азия биринчилигинде эки ирет (1956 жана 1960-жылдары) жеңишти багындырган.