БИШКЕК, 29-дек. — Sputnik. Президент Сооронбай Жээнбеков Кыргыз Республикасынын жарандыгынан чыгуу жөнүндө Жарлыкка кол койду. Бул туурасында президенттин маалымат кызматынан кабарлашты.
Ага ылайык, 366 адам (анын ичинен 295 — чоң адамдар жана 71и — балдар) Кыргызстандын жарандыгынан чыгарылган.
Тизмеде кыргыз, орус, өзбек, казак, дунган, азербайжан, күрд, уйгур, немис, татар, украин, корей улутундагы адамдар бар. Алардын арасында 4-5 балалуу мекендештер да болгон.
Жарандыктан чыккандардын тизмесин президенттин сайтынан табууга болот.