БИШКЕК, 29-дек. — Sputnik. Нигериянын Калабар шаарында өткөн "Африка сулуусу — 2018" сынагынын финалы чуулуу окуя менен аяктады.
Иш-чаранын эң кызыктуу бөлүгү, тагыраагы, жеңүүчүгө таажы кийгизүү маалында сахнага орнотулган пиротехниканын учкуну конголук Доркас Касинденин чачына жабышып, жалындап кетти.
Видеодо көрүнүп тургандай, чачы күйүп жатканын кыз алгач сезген жок. Бирок от көрүнөрү менен алып баруучу жана залда отургандардан 1-2 адам жардам көрсөтүп, аны өчүрүп калышты.
Daily Post сайтынын жазганына караганда, кыз жабыркаган эмес.