БИШКЕК, 26-дек. — Sputnik. Бүгүн, 26-декабрда, Кыргыз улуттук филармониясында президент Сооронбай Жээнбековдун катышуусунда Жаңы жылдык балаты өтүп жатат.
Өлкөнүн чар тарабынан келген миңден ашык балага Бугу эне окуясы сахналаштырылып көрсөтүлүүдө.
Мындан сырткары, иш-чарага Мирбек Атабеков баштаган эстрада ырчылары дагы катышып жатат.
Балдардын арасында — окуунун мыктылары, олимпиадалардын, эл аралык сынактардын жана мелдештердин жеңүүчүлөрү, балдар үйлөрүнүн тарбиялануучулары, ден соолугунан мүмкүнчүлүгү чектелгендер бар.