БИШКЕК, 14-дек. — Sputnik. "Макмалалтын" комбинатынын филиалынын базасына бирдиктүү ишкана түзүү боюнча сынакка үч компания табыштама жиберди. Бул туурасында "Кыргызалтын" ААКтын маалымат кызматы билдирди.
Жакынкы күндөрү катышуучулардын берген сунуштары каралып чыгат.
Ал төмөнкү компаниялар:
- "Мансон Групп" ЖЧКсы;
- "Шынкыйюан Фрунзе" ЖЧКсы;
- "Борбордуказия металлкому" ЖЧКсы.
Буга чейин "Кыргызалтын" сынактын критерийлерин жарыялаган болчу.
"Макмал алтын" кени тууралуу
"Макмал" алтын кени Бишкектен 630 чакырым алыстыкта жайгашкан. Тогуз-Торо районунун бюджетинин 95 пайызын камсыздап турган социалдык объекти 1986-жылы ишке кирген. Учурда миңден ашуун адам иштейт. 1986-1996-жылдары "Макмалда" кен ачык түрдө казылып алынып келген. Акыркы жолу 2012-жылдан киреше менен чыккан. Комбинат алгач 10 жыл гана иштейт деп ачылган.