БИШКЕК, 1-дек. — Sputnik. Аэропорт түнкү саат 24.00дө ишин жандантып, ушул тапта бардык каттамдар өз учурунда аткарылып жатат. Бул тууралуу Sputnik Кыргызстан агенттигине мекеменин диспетчердик бөлүмү билдирди.
Эске салсак, кечээ, 30-ноябрда, Бишкекте жана анын айланасында бурганактаган кар жаап, аба майдандын иши саат 21.00дө убактылуу токтотулган.
"Ушул тапта "Манас" аэропортуна учактар эч тоскоолдуксуз учуп-конуп жатат", — деп айтылат билдирүүдө.
Ошондой эле учуп-конуу тилкелери кардан толугу менен тазаланганы кошумчаланды.