БИШКЕК, 29-ноя. — Sputnik. Австралиядагы фермалардын биринде абдан чоң, көлөмдүү бука бар. Ал ЖМКлардын гана эмес, социалдык тармактын колдонуучуларынын да кызыгуусун жаратты.
ABC жаңылыктар порталы жазгандай, буканын бою эки метр, салмагы 1,5 тоннага жетет.
Быйыл зоот бука 7 жашка толду. Жаныбардын ээси Жефф Пирсондун айтымында, ал торпок кезинде эле башкалардан көлөмү менен айырмаланып турчу. Анын мынчалык чоңоюп кетерин эч ким күткөн эмес.
Ферманын ээси өткөн жылы буканы аукционго койгон, бирок бир дагы эт комбинаттан сунуш түшкөн эмес.
Зоот буканын сүрөтү социалдык тармакка укмуштуудай тездик менен жайылып, мемдери дагы чыга баштады.