БИШКЕК, 14-ноя. — Sputnik. Кыргызстандын үч облусундагы аэропорттор оңдоп-түзөлөрүн "Манас" эл аралык аба майданынан кабарлашты.
Аэробекеттерди модернизациялоо Аймактарды өнүктүрүү жылынын алкагында жасалууда.
Жалал-Абад облусунун "Казарман" аэропортунда жүргүнчүлөрдү тейлөөнү жакшыртуу үчүн капиталдык оңдоо жүрүп жатат. Бул иштер жайында башталган.
Ал эми "Нарын" аэропортунда жаңы аэробекет комплексин куруу пландалган. Аба майдандын күндүз учактарды кабыл алууга даяр экендиги жана Жарандык авиациядан алган тиешелүү сертификаты бар экендигин кабарлашты. Бул жерде учуп-коно турган бир тилке бар. Ал пайдаланууга 1974-жылы берилген.
Авиациялык коопсуздукту камсыздоо максатында "Талас" аэропортунун айланасын тосуу үчүн сынак жарыяланган. Ал иштер 2019-жылы аягына чыгат. Аэровокзал деңиз деңгээлинен 1266 метр бийиктикте жайгашкан жана асфальт-бетон жаткырылган конуп-учуучу бир тилкеси бар. Ал пайдаланууга 1979-жылы берилген.