БИШКЕК, 28-окт. — Sputnik. Кыргызстандык Кулатуу эр таймаш федерациясынын WEF Global 14 турнирин белгилүү америкалык ринг-анонсер Ленне Хардт тейлейт. Бул туурасында уюмдун Instagram баракчасында айтылат.
Анда Хардт өзү кыргызстандыктар менен саламдашып, турнирди көрүп кетүүгө чакырган.
Мелдеш 10-ноябрда Бишкектеги Кожомкул атындагы спорт сарайда өтмөкчү. Анда кечени белгилүү америкалык ринг-анонсер Ленне Хардт тейлейт. Ал эми Хардтка WEF уюмунун анонсери Кайрат Мусаев жардам берет.
"Урматтуу достор, легендарлуу Ленне Хардт биринчи жолу Бишкекке келип, мушкерлер беттешинин алып баруучусу болот", — деп айтылат билдирүүдө.
Бул ирет WEF федерациясы мелдешти япониялык "REAL FIGHT ARZALET FGC" уюму менен биргеликте өткөрөт. Ага Борбор Азия, Россия, Бразилия, Корея жана Япония мамлекеттеринин спортчулары келиши күтүлүүдө.
Файткарддагы болжолдуу маалыматка ылайык, өлкө атынан Актилек Жумабек уулу, Самат Эмилбеков, Алтынбек Мамашев, Канат Келдибеков, Барчынай Узгенбаева өңдүү мушкерлер катышат.
Узгенбаеванын атаандашы алгач аныкталбай жатып, бирок кийинчерээк анын ким экендиги белгилүү болгон.