ОШ, 22-окт. — Sputnik. Ош шаарында сойкулар үчүн көмүскө жайларды уюштурган деген шек менен эки саунанын администраторлору кармалды. Бул тууралуу шаардык милиция билдирди.
20-21-октябрь күндөрү милиция кызматкерлери ыкчам маалыматтын негизинде сауналарды текшерип, ошол жерде сойкукана уюштурууга шектелип эки киши кармалды. Алар убактылуу кармоочу жайга киргизилген.
Учурда аталган факты боюнча 261-берененин (сойкулук үчүн көмүскө жайларды уюштуруу) негизинде кылмыш иши козголду.
Тергөө иштери жүргүзүлүп жатат.