БИШКЕК, 8-окт. — Sputnik. Лас-Вегас шаарында Хабиб Нурмагомедов менен Конор Макгрегордун күйөрмандары спортчулар мушташа электе эле чатакташа баштаган. Уруштун видеосу Twitter тармагындагы баракчалардын бирине жарыяланды.
Кадрларда көрүнүп тургандай, алгач эки эркек мушташа кетип, отургучтар ары-бери ыргыса, андан кийин аялдар да бири-бирин сумкалар менен ургулаган.
Кечээ, 7-октябрда, эки мушкер Лас-Вегас шаарында беттешип, россиялык спортчу жеңишке жеткен. Бирок таймаштан кийин спортчулар жана алардын тарапташтары ортосунда мушташ чыгып кеткен.