БИШКЕК, 3-окт. — Sputnik. Бишкектеги Лермонтов көчөсүнүн Чүй проспектисинен Жибек Жолу проспектисине чейинки аралыгы оңдоодон кийин ачылды. Бул тууралуу мэриянын маалымат кызматы билдирди.
Лермонтов көчөсү беш ай бою оңдолгон.
"Бишкек шаарынын жолдорун жакшыртуу долбоорунун алкагында аталган көчөнүн асфальты жаңыртылып, тротуарлар менен арыктар оңдолду. Ошондой эле газ куурлары менен жылуулук куурлары да алмаштырылды", — деп айтылат маалыматта.
Учурда Лермонтов көчөсү автоунаа үчүн толугу менен ачык.