БИШКЕК, 27-сен. — Sputnik. Акыйкатчылыкка шайланган Токон Мамытов Жогорку Кеңеште ант берди.
Төрага Дастан Жумабеков акыйкатчы ант берген күндөн тартып кызматана кирише турганын айтып, Токон Мамытовдун ант берүүсүн күн тартибине киргизип, ал депутаттардын колдоосун тапты.
Мамытов акыйкатчы кызматына киришип жатып, өз милдеттерин адилет жана ак ниет аткарууга, омбудсмен институтунун кадыр баркын төмөндөтүүчү иш аракеттерди жасабоого, мыйзамдарды жана адам укуктарын сактоого ант берди.
Белгилей кетсек, 26-сентябрда Токон Мамытов КР акыйкатчысы болуп шайланган. Анын талапкерлигин 79 депутат колдогон болчу.